ЖҮРЕК ҚУЫСТАРЫН ТЕТІКТЕУ – бұл жүрек ақауынан зардап шегетін кейбір науқастар үшін талап етілетін шағын инвазиялық диагностикалық зерттеу. Оны тек қана диагнозды растау үшін жасамайды, сондай-ақ жүрек қуыстарындағы қысымды және жүрекішілік қан көлемінің шамасын анықтау үшін тағайындайды. Хирургиялық араласу қажеттігі туралы шешім қабылдау кезінде бұл көрсеткіштер маңызды болып табылады.
Тетіктеу қалай жасалады
Зерттеу ұзындығы 1 метр 20 сантиметр және диаметрі 2-4 миллиметр пластмасс қуыс түтікше тәрізді зонд арқылы жасалады. Ол адам денесінің температурасынан жұмсарып, өте иілімді, серпінді болатын ерекше пластмасстан жасалған.
Әдетте зонд қолдың немесе санның тамырына енгізіледі және оң жақ жүрекше мен жүректің қарыншасына, сонымен қоса өкпе артериясының ішіне ақырын итеріледі: өйткені туа біткен немесе жүре пайда болған жүрек ақауларына шалдыққан адамдардың өкпедегі де қан айналымы қашанда бұзылады. Содан кейін, егер қажет болса, жүректің сол жақ жартысы және қолқа зондталады.
Рентген сәулелері арқылы тексеру - ангиокардиография да қажет болған жағдайларда зонд арқылы контраст заттегі жіберіледі.
Жүректі зондтаудан қорықпаған қажет. Ол науқасты мұқият дайындағаннан кейін жасалатын мүлдем қауіпсіз емшара. Жас балаларға наркозбен жасалады.
